لاہور: (ویب ڈیسک) پاکستان کرکٹ ٹیم کے آل راؤنڈر محمد نواز نے کہا ہے کہ مجھے اُمید ہے کہ بولنگ کی طرح آئندہ بیٹنگ بھی اچھی ہوگی۔
ویسٹ انڈیز کے خلاف دوسرے ٹی 20 میچ کے بعد گفتگو کرتے ہوئے محمد نواز کا کہنا تھا کہ یہاں کی کنڈیشنز میں ٹیم کی ضرورت کے مطابق کھیلنے کی کوشش کر رہا ہوں، مشکل کنڈیشنز میں حسن نواز اور سلمان آغا نے جس طرح بیٹنگ کی ہے اس کا کریڈٹ انہیں جاتا ہے۔
اپنی پرفارمنس پر گفتگو کرتے ہوئے انہوں نے کہا کہ میری باؤلنگ دونوں میچز میں اچھی رہی ہے لیکن میں بیٹنگ اچھی نہیں کر پایا، مجھے اُمید ہے کہ باؤلنگ کی طرح بیٹنگ بھی اچھی ہوگی۔
محمد نواز کا کہنا تھا کہ پچ تھوڑی سلو ہے، سپنرز کو زیادہ مدد ملتی ہے، کم سکور کے باوجود باؤلرز نے فائٹ کی اور میچ کو آخر تک لائے۔
