دبئی: (دنیا نیوز) سہ ملکی سیریز اور ایشیا کپ میں شرکت کیلئے قومی اسکواڈ دبئی پہنچ گیا۔
ذرائع کے مطابق قومی ٹی ٹوئنٹی ٹیم چار مختلف گروپس میں دبئی پہنچی، ایشیا کپ 2025 اور ٹرائی نیشن سیریز کی تیاریوں کے سلسلے میں قومی ٹیم کا پری سیریز کیمپ کل سے دبئی میں شروع ہوگا۔
پری سیریز کیمپ 27 اگست تک جاری رہے گا، کیمپ کے دوران 22 اور 25 اگست کو دو انٹرا سکواڈ میچز بھی کھیلے جائیں گے۔
واضح رہے کہ ٹرائی نیشن سیریز کا آغاز 29 اگست سے ہو گا اور فائنل سات ستمبر کو کھیلا جائے گا، جس کے بعد 9 ستمبر سے ایشیا کپ کا آغاز ہو گا۔
