لاہور: (دنیا نیوز) پاکستان کرکٹ بورڈ ( پی سی بی) نے سکولز میں ٹیلنٹ ہنٹ پروگرام کا اعلان کر دیا۔
ٹیلنٹ ہنٹ پروگرام کے تحت ملک بھر سے 39 اضلاع کے 400 سے زائد سکولز میں پی سی بی کے 60 سے زیادہ کوچز ٹرائلز لیں گے جس کے بعد 400 سے زائد سکولز کے درمیان اگلے ماہ 40 اوورز فی اننگز کا ون ڈے ٹورنامنٹ شروع ہو گا۔
پی سی بی کے مطابق ایونٹ کی 100 بہترین ٹیمیں سکولز لیگ کھیلیں گی جس کی چیمپئن ٹیم بیرون ملک کا دورہ کرے گی، اس ٹورنامنٹ کے ٹاپ پرفارمر پی سی بی انڈر 15 اور انڈر 17 ٹورنامنٹس میں بھی شرکت کریں گے۔
ڈائریکٹر ڈومیسٹک کرکٹ عبداللہ خرم نیازی کا کہنا ہے کہ سکولز ٹیلنٹ ہنٹ پروگرام کی ساری فنڈنگ پی سی بی کرے گا، اس پروگرام سے بچے تعلیم کے ساتھ کرکٹ بھی کھیلیں گے، پی سی بی ملک بھر میں 168 سکول گراؤنڈ آباد کرے گا۔
