کراچی: (دنیا نیوز) قومی کرکٹ ٹیم کے سپن بولر ابرار احمد کی کراچی میں ولیمے کی تقریب ہوئی جس میں اہم شخصیات نے شرکت کی۔
چیئرمین پی سی بی محسن نقوی نے ولیمے میں شرکت کی، قومی ٹیسٹ ٹیم کے کپتان شان مسعود، اسد شفیق، شاہین شاہ آفریدی اور فہیم اشرف بھی ولیمے میں شریک ہوئے، مہمانوں کی مختلف اقسام کے کھانوں سے تواضع کی گئی۔
واضح رہے کہ پاکستان کرکٹ ٹیم کے معروف سپنر ابرار احمد ہفتے کی شب رشتہ ازدواج میں منسلک ہوئے تھے، کراچی کے مقامی ہال میں ابرار احمد کی شادی کی تقریب منعقد ہوئی تھی، دلہنیا لینے کیلئے آمد پر 27 سالہ ابرار احمد کی بارات کا ڈھول کی تاپ پرپرتپاک خیرمقدم کیا گیا تھا، تقریب میں قریبی رشتہ دار و عزیزو اقارب شریک ہوئے تھے۔
مختلف سوشل میڈیا پلیٹ فارمز پر 27 سالہ کھلاڑی کی بارات لے جاتے اور شادی ہال پہنچنے کی ویڈیوز سامنے آئی تھیں، اس کے علاوہ مختلف سوشل میڈیا پلیٹ فارمز پر کھلاڑی کی چند تصاویر بھی سامنے آئی تھیں۔
واضح رہے کہ 8 بہن بھائیوں میں سب سے چھوٹے ابرار احمد ولیمہ کے بعد ٹیسٹ سکواڈ جوائن کر لیں گے۔
