لاہور: (دنیا نیوز) جنوبی افریقی ٹیم کے کپتان سمیت دو اہم کھلاڑی پاکستان کیخلاف ٹی 20 سیریز سے باہر ہوگئے۔
کرکٹ جنوبی افریقا کی جانب سے جاری کردہ پیغام میں کہا گیا ہے کہ کپتان ڈیوڈ ملر اور فاسٹ باؤلر جیرالڈ کوئٹزے پاکستان کے خلاف ٹی 20 سیریز سے باہر ہو گئے ہیں۔
ڈیوڈ ملر پاکستان کے دورے کے لیے ٹریننگ کے دوران انجری کا شکار ہوئے تھے جو ابھی ری ہیب کے عمل سے گزریں گے۔
— Proteas Men (@ProteasMenCSA) October 23, 2025
دوسری جانب فاسٹ باؤلر جیرالڈ کوئٹزے نہ صرف ٹی 20 بلکہ ون ڈے سیریز میں بھی حصہ نہیں لے سکیں گے، کوئٹزے رواں ماہ کے آغاز میں نمیبیا کے خلاف میچ کے دوران انجری کا شکار ہوئے تھے۔
ڈیوڈ ملر کی غیر موجودگی میں ڈونوان فریرا ٹی 20 ٹیم کی قیادت کریں گے جبکہ میتھیو بریٹزکے اور ٹونی ڈی زورزی کو ٹیم میں متبادل کے طور پر شامل کرلیا گیا ہے، ون ڈے سیریز میں جیرالڈ کوئٹزے کی جگہ اوٹنیل بارٹمین کو شامل کیا گیا ہے۔
