لاہور: (دنیا نیوز) قومی ٹیم کے آل راؤنڈر محمد نواز 2025 میں پاکستان ٹی 20 ٹیم کے بہترین پرفارمنس پیش کرنے والے کھلاڑی بن گئے۔
راولپنڈی سے تعلق رکھنے والے 31 سالہ بائیں ہاتھ کے سپنر اور بائیں ہاتھ کے بلے باز محمد نواز پر وائٹ بال ہیڈ کوچ مائیک ہیسن نے جو اعتبار اور اعتماد کیا، اس پر وہ مکمل طور پر پورا اترے، بلخصوص مختصر فارمیٹ ٹی 20 میں آل راؤنڈر محمد نواز سب سے آگے رہے۔
محمد نواز جولائی 2025 میں فلوریڈا میں ویسٹ انڈیز کے خلاف 21.52 کی اوسط سے 7 وکٹ لے کر مین آف دی سیریز رہے جبکہ اگست 2025ء میں شارجہ میں پاکستان، افغانستان اور یو اے ای سیریز کے 5 میچوں میں 120 رنز اور 10 وکٹ کے ساتھ بہترین کھلاڑی رہے۔
تیسری بار وہ نومبر 2025 میں راولپنڈی میں پاکستان، سری لنکا اور زمبابوے ٹرائی سیریز میں 52 رنز اور 10 وکٹ لے کر سیریز کے بہترین کھلاڑی بنے، سال 2025 میں محمد نواز 26 ٹی 20 میچز میں 4 مرتبہ بہترین کھلاڑی قرار پائے۔
اس دوران آل راؤنڈر نے پاکستان کے لیے 74.4 اوورز کروائے اور 490 رنز دیئے، 13.16 کی اوسط سے 2025 ٹی 20 کلینڈر ایئر میں سب سے زیادہ 36 وکٹ لیں۔
بائیں ہاتھ کے بیٹر نے 19.05 کی اوسط سے 362 رنز بنائے، بہترین سکور ناٹ آؤٹ 38 رنز رہا جبکہ 138.16 کے سٹرائیک ریٹ سے کھیلتے ہوئے انہوں نے 24 چوکے اور 21 چھکے لگائے۔
