فیصل آباد: (دنیا نیوز) فیصل آباد کے علاقے محلہ گارڈن ٹاوّن میں گزشتہ روز ہونے والے پولیس مقابلے میں مارے گئے دونوں ڈاکووں کی شناخت ہو گئی۔ دونوں ڈاکووں کا کریمینل ریکارڈ بھی دنیا نیوز نے حاصل کر لیا۔
فیصل آباد میں تھانہ بٹالہ کالونی کے علاقے محلہ گارڈن ٹاوّن میں گزشتہ روز شہری سے 50 ہزار روپے چھین کر فرار ہونے والے ڈاکووں کو ڈولفن فورس نے مقابلے کے دوران فائرنگ کر کے ہلاک کر دیا تھا۔
ہلاک ہونے والے دونوں ڈاکووّں کی شناخت عبدالرزاق اور جیند کے نام سے ہوئی۔ دونوں ڈاکو لاہور کے رہائشی اور بین الااضلاعی ڈاکو گینگ سے تعلق رکھتے تھے۔ ڈاکووں کا کریمینل ریکارڈ بھی دنیا نیوز نے حاصل کرلیا۔
پولیس کی جانب سے پیش کئے گئے ریکارڈ کے مطابق ڈاکو عبدالرزاق لاہور کے 14مختلف تھانوں میں 28 مقدمات جبکہ جنید 3 تھانوں کے 10مقدمات میں پولیس کو مطلوب تھا۔
