کراچی : (دنیانیوز) کندھ کوٹ بخشاپور تھانہ کی حدود آندھی سٹاپ کے مقام پر دو گروپوں میں تصادم کا افسوس ناک واقعہ پیش آیا ہے ۔
پولیس کے مطابق دونوں گروپوں میں تصادم دیرینہ دشمنی کے نتیجے میں ہوا، فائرنگ کے تبادلے میں تین افراد قتل جبکہ 8 زخمی ہوگئے ۔
فائرنگ سے علاقے میں خوف و ہراس پھیل گیا ، اطلاع ملتے ہی پولیس کی بھاری نفری جائے وقوعہ پر پہنچ گئی اور علاقے کو گھیرے میں لے لیا ۔
پولیس کی جانب سے نعشوں کو پوسٹمارٹم اور زخمیوں کو طبی امداد کیلئے ہسپتال منتقل کردیا گیا ہے ۔
