کراچی: (دنیانیوز) اینٹی نارکوٹکس فورس (اےاین ایف) نے چار کارروائیوں میں 67 کلوگرام سےزائد منشیات برآمد کرلی جبکہ 7ملزمان گرفتار کرلیے گئے ۔
ترجمان اےاین ایف کے مطابق کارروائیاں مری، نوشہرہ ،پشاور اورملتان میں کی گئیں، کارروائی کےدوران60 کلو 800گرام چرس،6 کلو افیون برآمد کی گئی ۔
ترجمان کاکہنا ہے کہ ایک اور کارروائی کے دوران 200 نشہ آور گولیاں،750گرام آئس برآمد کی گئی ۔
ترجمان اےاین ایف کے مطابق گرفتار ملزمان کے خلاف انسدادِ منشیات ایکٹ کے تحت مقدمات درج کرلیے گئے ہیں ۔
