کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں میں بھاری مقدار میں منشیات برآمد کر کے 5 ملزمان گرفتار کر لئے۔
ترجمان اے این ایف کے مطابق کارروائیاں پشاور، شیخوپورہ، اسلام آباد اور لاہور میں کی گئیں۔
حکام کا کہنا ہے کہ 4 مختلف کارروائیوں میں 112.529 کلو گرام منشیات برآمد کی گئی جس میں 2 کلو چرس، 25 کلو 700 گرام افیون، 12 کلو 131 گرام آئس اور 2.5 کلو کیٹا مائن شامل ہے۔
ترجمان اےاین ایف کے مطابق گرفتار پانچ ملزمان کے خلاف انسداد منشیات ایکٹ کے تحت مقدمات درج کر لئے گئے۔
