کراچی: (دنیا نیوز) اینٹی نارکوٹکس فورس (اے این ایف) نے نائیجیرین باشندے اور خاتون سمیت 8 ملزمان گرفتار کر لئے۔
ترجمان اے این ایف کے مطابق کارروائیاں مانسہرہ، لاہور، پشین، پشاور اور اسلام آباد میں کی گئیں۔
حکام کے مطابق 7 مختلف کارروائیوں میں نائیجیرین باشندے اور خاتون سمیت 8 ملزمان گرفتار کئے گئے، ملزمان سے 406.98 کلو گرام منشیات برآمد کی گئی، پکڑی گئی منشیات میں 400 کلو گرام چرس، 4.8 کلو افیون، 35 کوکین بھرے کیپسولز شامل ہیں۔
ترجمان کا کہنا ہے کہ گرفتار ملزم نے تعلیمی اداروں کے طلباء کو منشیات فروخت کرنے کا اعتراف کیا ہے، گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
