شکارپور: (دنیا نیوز) شکارپور میں ڈاکوؤں کی فائرنگ سے پولیس اہلکار شہید ہوگیا۔
پولیس حکام کے مطابق شکارپور میں خانپور انڈس ہائی وے پر ڈاکو لوٹ مار میں مصروف تھے، پولیس کو دیکھتے ہی ڈاکوؤں نے فائرنگ کر دی، جس سے پولیس اہلکار میر محمد میمن شہید ہوگئے۔
حکام کا کہنا ہے کہ واقعے کے بعد ڈاکو موقع سے فرار ہوگئے، پولیس اہلکار کی نعش کو ہسپتال منتقل کر دیا گیا ہے۔
دوسری جانب کراچی کے علاقے احسن آباد اللہ بخش روڈ کے ڈکیتی مزاحمت پر فائرنگ سے دوافراد زخمی ہوگئے، زخمیوں کی شناخت 22 سالہ شاہ میر اور 25 سالہ سفیان کے ناموں سےہوئی، زخمیوں کو طبی امداد کے لئے قریبی ہسپتال منتقل کر دیا گیا۔
