کراچی: (دنیا نیوز) شہر قائد کراچی میں شادی کی تقریب میں فائرنگ سے بچی جاں بحق ہوگئی۔
کراچی کے علاقے سائٹ ایریا میں شادی کی تقریب اچانک ماتم میں اس وقت بدلی جب ایک بچی فائرنگ کی زد میں آگئی۔
شادی میں باراتیوں کی جانب سے فائرنگ کی جارہی تھی جس دوران گولی ایک بچی کو لگی جو شدید زخمی ہوئی، بچی کو فوری طبی امداد کے لیے ہسپتال منتقل کیا گیا جہاں ڈاکٹرز نے اس کی موت کی تصدیق کردی۔
واقعے کے اطلاع ملتے ہی پولیس موقع پر پہنچ گئی جس نے دلہا اور اس کے والد کو گرفتار کر لیا۔
