کراچی: (ویب ڈیسک) شہر قائد میں گھریلو جھگڑے پر شوہر نے بیوی قتل کر دی۔
کورنگی نورانی بستی کے قریب گھریلو جھگڑے کے دوران شوہر نے بیوی کو تیز دھار آلے کے وار سے قتل کیا جبکہ سالے کو زخمی کر دیا۔
واقعہ کورنگی کے علاقے ڈیڑھ نمبر سیکٹر 48 اے سلور ٹاؤن میں پیش آیا، واقعہ کی اطلاع ملتے ہی زمان ٹاؤن پولیس نے موقع پر پہنچ کر مقتولہ کی لاش اور زخمی شخص کو ہسپتال پہنچایا۔
پولیس حکام نے بتایا کہ مقتولہ کی شناخت 42 سالہ خورشیدہ کے نام سے کی گئی جبکہ تیز دھار آلے کے وار سے مقتولہ کا بھائی محمد علی بھی زخمی ہوا ہے جبکہ پولیس نے بیوی کو قتل اور سالے کو زخمی کرنے والے ملزم اللہ دتہ کو گرفتار کر کے گھر سے آلہ قتل تیز دھار آلہ برآمد کرلیا۔
انہوں نے بتایا کہ میاں بیوی کے درمیان جھگڑا ہونے پر قریب ہی رہائش پذیر اس کا بھائی محمد علی بھی اپنی بہن کے گھر پہنچا تھا جہاں اس کے بہنوئی ملزم اللہ دتہ نے اسے بھی تیز دھار آلے کے وار سے زخمی کر دیا۔ ۔
پولیس کے مطابق واقعہ میاں اور بیوی میں گھریلو جھگڑے کے دوران پیش آیا، گرفتار ملزم سے مزید معلومات حاصل کی جا رہی ہیں۔
