کراچی: (دنیا نیوز) اینٹی نارکوٹکس فورس (ے این ایف) نے علامہ اقبال انٹرنیشنل ایئرپورٹ لاہور پر منشیات سمگلنگ کی کوشش ناکام بنا دی۔
ترجمان اے این ایف کے مطابق اینٹی نارکوٹکس فورس نے نائیجیرین مسافر کو پکڑ لیا، ملزم کے پیٹ سے 38 کوکین کیپسول برآمد ہوئے، برآمدہ کیپسولز سے 646 گرام کوکین برآمد ہوئی۔
حکام کا کہنا ہے کہ مشتبہ مسافر کو حراست میں لے کر ہسپتال منتقل کیا گیا ہے۔
ترجمان اے این ایف کے مطابق ملزم بذریعہ غیرملکی پرواز بحرین سے "بزنس ویزے" پر لاہور پہنچا تھا، ملزم کے خلاف انسداد منشیات ایکٹ کے تحت مقدمہ درج کر لیا گیا ہے۔
