پشاور: (ویب ڈیسک) پشاور ایئرپورٹ پر سکیورٹی فورس نے پشاورسے دوحہ جانے والی پرواز کے مسافرسے آئس ہیروئن برآمد کرلی۔
اے ایس ایف کے ترجمان کے مطابق عملے نے بروقت کارروائی کرتے ہوئے پشاور سے دوحہ جانے والی پرواز کے ایک مسافرکے سامان سے آئس ہیروئن برآمد کی۔
ترجمان نے بتایاکہ دوحہ جانے والی پرواز پر سفر کرنے والے مسافر فضل امین کے ٹرالی بیگ کو دوران سکیننگ مشکوک قرار دیا گیا اور دستی تلاشی کے دوران اس کے ٹرالی بیگ اورجوتوں سے 994 گرام آئس ہیروئن برآمد کرلی۔
اے ایس ایف کے تربیت یافتہ عملے نے فوری اور مؤثر کارروائی کرتے ہوئے منشیات کی سمگلنگ کی کوشش ناکام بنا دی، ابتدائی تفتیش کے بعد کیس مزید قانونی کارروائی کے لئے اے این ایف کے حوالے کردیا گیا۔
