پشاور: (دنیا نیوز) ایف آئی اے امیگریشن کی پشاور ایئرپورٹ پر کارروائی، عمرہ ویزے کی آڑ میں ملازمت کی غرض سے سعودی عرب جانے والے 16 مسافر آف لوڈ کر دیئے۔
آف لوڈ ہونے والے مسافر کم عمر تھے اور اکیلے سفر کر رہے تھے، مسافروں کو عمرہ کے طریقہ کار کے بارے میں بھی کوئی معلومات نہیں تھیں۔
آف لوڈ ہونے والے مسافروں کے پاس سفری اخراجات کے حوالے سے 50 سے 200 ریال فی کس برآمد ہوئے، مسافر عمرہ ویزے پر سعودی عرب جا کر غیر قانونی طور پر کام کرنا چاہتے تھے۔
مسافروں نے کرک کے رہائشی ایجنٹ ابرار کو فی کس 3 لاکھ 50 ہزار روپے دیئے، مسافروں کو مزید قانونی کارروائی کے لئے اینٹی ہیومن ٹریفکنگ سرکل پشاور منتقل کر دیا گیا۔
