کراچی: (شہباز خان) اینٹی نارکوٹکس فورس (اے این ایف) نے ملک بھر میں 8 کارروائیوں کے دوران 24 کلوگرام سے زائد منشیات برآمد کر لیں۔
ترجمان اے این ایف کے مطابق کارروائیاں اسلام آباد، حیدرآباد، کوہاٹ، پشاور اور کراچی میں کی گئیں، کارروائیوں میں 23 کلوگرام چرس اور ایک کلو 976 گرام آئس برآمد ہوئی۔
اے این ایف کے ترجمان نے مزید بتایا ہے کہ کارروائیوں کے دوران ایک خاتون سمیت 9 ملزمان کو گرفتار کر لیا گیا، گرفتار افراد کے خلاف انسدادِ منشیات ایکٹ 1997 کے تحت مقدمات درج کر کے مزید تحقیقات شروع کر دی گئی ہیں۔
