کراچی: (دنیا نیوز) اینٹی نارکوٹکس فورس (اے این ایف) نے منشیات کے خلاف مختلف کارروائیوں میں 70.2 کلوگرام سے زائد منشیات برآمد کر کے 4 ملزمان کو گرفتار کر لیا۔
ترجمان اے این ایف کے مطابق کارروائیاں نوشہرہ، کراچی اور اسلام آباد میں کی گئیں، آپریشنز کے دوران 51 کلو 600 گرام چرس، 15.6 کلوگرام افیون اور 3 کلوگرام آئس برآمد کی گئی۔
ترجمان اے این ایف کا کہنا ہے کہ تمام گرفتار ملزمان کے خلاف انسدادِ منشیات ایکٹ 1997 کے تحت مقدمات درج کر لیے گئے ہیں اور تحقیقات جاری ہیں۔
