کراچی: (دنیا نیوز) شہر قائد میں مبینہ پولیس مقابلوں میں 4 زخمیوں سمیت 7 ڈاکوؤں کو حراست میں لے لیا گیا۔
پولیس نے شاہ لطیف بروہی چوک کے قریب ایک ڈاکو کو زخمی حالت میں گرفتار کر لیا، جس کی شناخت سونو کے نام سے ہوئی، اس کے ساتھی فرار ہو گئے، گرفتار ملزم سے ایک پستول، موبائل فون، نقد رقم اور ایک موٹر سائیکل برآمد ہوئی۔
الفلاح پولیس نے ملیر کالا پل کے قریب ایک مبینہ مقابلے میں دو ڈاکوؤں کو گرفتار کیا، جن میں سے ایک زخمی حالت میں تھا، زخمی ملزم خالد اور دوسرے ملزم امیر علی کی شناخت کی گئی، ان کے قبضے سے ایک پستول، موبائل فونز، نقدی اور ایک موٹر سائیکل برآمد کر لی گئی۔
جمشید کوارٹرز کے علاقے جہانگیر روڈ پر ہونے والے مبینہ مقابلے میں ایک ڈاکو بہادر زخمی حالت میں گرفتار جبکہ اس کا ساتھی شعیب کو بھی حراست میں لے لیا گیا، ان کے قبضے سے پستول اور موٹر سائیکل برآمد ہوئی۔
کورنگی غریب نواز چوکی کے قریب ایک اور پولیس مقابلے میں دو ملزم زخمی حالت میں گرفتار ہوئے، جبکہ ایک ملزم فرار ہو گیا، ان کے قبضے سے اسلحہ برآمد کر لیا گیا۔
