کراچی: (دنیا نیوز) سی ٹی ڈی اور حساس اداروں نے مشترکہ کارروائی کے دوران ایس آر اے کے دو دہشت گرد گرفتار کر لیے گئے۔
ایس ایس پی سی ٹی ڈی کے مطابق کارروائی خفیہ اطلاع پر ڈاکس مچھر کالونی کےعلاقے میں کی گئی، گرفتار دہشت گردوں کی شناخت سرمد علی رضا اور غنی اللہ عرف غنی امان چانڈیو کے نام سے ہوئی۔
سی ٹی ڈی حکام کے مطابق ملزمان کے قبضے سے دو ہینڈ گرنیڈ اور بارودی مواد برآمد ہوا، گرفتار دہشت گرد ایس آر اے کے انتہائی مطلوب گروہ سے تعلق رکھتے ہیں۔
ایس ایس پی سی ٹی ڈی کے مطابق ملزمان کے خلاف مختلف تھانوں میں دہشت گردی، بارودی مواد اور حملوں کے مقدمات درج ہیں، ملزمان قانون نافذ کرنے والے اداروں کو نشانہ بنانے کی منصوبہ بندی کر رہے تھے۔
سی ٹی ڈی حکام کے مطابق گرفتار دہشت گرد طلبہ کو ایس آر اے میں بھرتی اور دہشت گردی کی ترغیب دیتے تھے، ملزمان سے مزید انکشافات متوقع ہے، تحقیقات جاری ہیں، گرفتار دہشت گردوں کو مزید تفتیش کی جائے گی۔
