لاہور: (دنیا نیوز) سی سی ڈی کے رات گئے مبینہ پولیس مقابلے میں زیر حراست ملزم ساتھیوں کی فائرنگ سے مارا گیا۔
پولیس کے مطابق مبینہ مقابلہ تھانہ چوہنگ کی حدود میں اس وقت ہوا جب زیرِ حراست ملزم قیصر کو نشاندہی کیلئے لے جایا جا رہا تھا کہ اسی دوران اس کے ساتھیوں نے اچانک حملہ کر دیا۔
پولیس کا کہنا ہے کہ فائرنگ کے تبادلے میں ملزم قیصر اپنے ہی ساتھیوں کی فائرنگ سے موقع پر ہلاک ہوگیا جبکہ حملہ کرنے والے ساتھی اندھیرے کا فائدہ اٹھاتے ہوئے موقع سے فرار ہونے میں کامیاب ہوگئے۔
ترجمان پولیس کے مطابق ہلاک ملزم قیصر 3 درجن سے زائد سنگین وارداتوں میں ملوث تھا، پولیس نے ضروری کارروائی کے بعد نعش کو مردہ خانہ منتقل کر دیا ہے۔
