کراچی: پیرآباد فرنٹیئر کالونی سے 10 سالہ بچی اغوا، مقدمہ درج

Published On 30 November,2025 11:18 am

کراچی: (سالک شاہ) شہر قائد کے علاقے پیرآباد فرنٹیئر کالونی سے 10 سالہ بچی مریم کو مبینہ طور پر اغوا کرلیا گیا۔

پولیس کے مطابق بچی کی والدہ کی مدعیت میں پیرآباد تھانے میں اغوا کا مقدمہ درج کر لیا گیا ہے، جس میں پڑوسی حیدر شاہ کو نامزد کیا گیا ہے۔

والدہ کے مطابق مریم 28 نومبر کی شام تقریباً 6 بجے گھر کے باہر کھیل رہی تھی کہ اچانک لاپتا ہوگئی، اہلِ خانہ نے قریبی علاقوں میں تلاش کیا مگر بچی کا کوئی سراغ نہ مل سکا، بچی کو جلد از جلد بازیاب کرایا جائے۔

پولیس کا کہنا ہے کہ واقعے کی تحقیقات جاری ہیں اور نامزد ملزم سمیت تمام پہلوؤں کا جائزہ لیا جا رہا ہے۔