لندن: (ویب ڈیسک) بھارتی فلم انڈسٹری کے معروف اداکار عرفان خان کی تازہ تصویر سامنے آگئی، اپنی منفرد اور جاندار اداکاری سے فلم بینوں کے دل میں گھر کرنے والے عرفان خان کے مداحوں میں خوشی کی لہر دوڑ گئی۔
کچھ ماہ پہلے اداکار عرفان خان نے ایک ٹویٹ میں لکھا تھا کہ وہ "نیورو اینڈو کرائن ٹیومر" نامی بیماری میں مبتلا ہیں، جو آنتوں کے کینسر کی ایک قسم ہے۔ اس کے بعد سے ان کی طبیعت بگڑنے سے متعلق خبروں کا سلسلہ شروع ہوگیا جو آج تک جاری ہے۔
تاہم اب ان کی تازہ تصویر سامنے آئی ہے، دنیا نیوز کی اینکر پرسن زینب عباس نے اپنے ٹویٹر اکاؤنٹ سے معروف اداکار عرفان خان کی تصویر شیئر کی ہے، جس میں دیکھا جاسکتا ہے کہ بالی وڈ کے سپر سٹار لارڈز کے تاریخی میدان میں پاکستان اور انگلینڈ کے مابین کھیلے جا رہے ٹیسٹ میچ سے لطف اندوز ہو رہے ہیں۔
Pic shared by @Furqan013 - there’s actor Irfan Khan enjoying the match at Lord’s #ENGvPAK pic.twitter.com/iUpdXamxeX
— zainab abbas (@ZAbbasOfficial) May 27, 2018
تازہ تصویر سے عرفان خان کی صحت سے متعلق غلط افواہوں کی تردید ہوتی ہے۔ واضح رہے کہ عرفان خان کی بیوی ستاپا سکدار نے بھی کہا تھا کہ ان کے شوہر اپنی بیماری سے کسی "جنگجو" کی طرح لڑ رہے ہیں اور ان کے بارے میں پھیلائی جانے والی افواہیں ان کے دشمنوں کی ذاتی خواہشوں کا اظہار ہیں جبکہ ان کا حقیقت سے کوئی تعلق نہیں۔
