کراچی: (روزنامہ دنیا) پاکستانی گلوکارہ سائرہ پیٹر نے یوم پاکستان کے موقع پر منعقدہ محفل میں ملی اور قومی نغمے گا کر حب الوطنی کے رنگ بکھیر دیئے۔
اس موقع پر سائرہ پیٹر نے کہا کہ ہمارے قومی نغموں نے دشمن کے خلاف ہتھیار کا کام کیا اور عوام کے حوصلے بلند ہو گئے۔ لند ن میں ایک تقریب کے دوران ان کا کہنا تھا کہ قومی نغموں نے ہمیشہ ہماری سماعتوں کو سکون بخشا۔
سائرہ پیٹر کا مزید کہنا تھا کہ یہ نغمے جب بھی گائے جاتے ہیں تو ہمارے دلوں میں ایک ولولہ پیدا کرتے ہیں، روح میں تازگی بھر جاتی ہے اور احساس ہوتا ہے کہ ہم زندہ و پائندہ قوم ہیں۔
