لاہور: (ویب ڈیسک) پاکستان کی صدارتی تمغہ امتیاز حاصل کرنے والی اداکارہ مہوش حیات نے امریکا کی جانب سے ایرانی جنرل قاسم سلیمانی کی ہلاکت پر تنقیدی ٹویٹ کرنے پر پاکستان تحریک انصاف (پی ٹی آئی) کے کراچی سے منتخب ہونے والے ایم این اے ڈاکٹر عامر لیاقت کو سماجی رابطے کی ویب سائٹ ٹویٹر پر زبردست جواب ڈالا۔
یاد رہے کہ 3 جنوری کو امریکا نے عراق کے دارالحکومت بغداد میں امریکی جنرل قاسم سلیمانی کو ہلاک کر دیا تھا، جس کے بعد مشرق وسطی میں کشیدگی بڑھتی چلی جا رہی ہے، یہ کشیدگی مشرق وسطی سے ہوتی ہوئی ٹویٹر پر پہنچ گئی ہے۔
اداکارہ مہوش حیات نے سماجی رابطے کی ویب سائٹ ٹویٹر پر ایک ٹویٹ لکھا کہ مجھے یقین نہیں آ رہا کہ 2020ء سال کو شروع ہوئے ابھی صرف 72 گھنٹے ہوئے ہیں، دنیا پہلے ہی جنگ کے دہانے پر کھڑی ہے۔
Can’t believe that just 72 hours into 2020 & the world is already teetering on the edge of war. I guess this is wht happens when the "leader of the free world"takes unilateral decisions without regard for international laws. This isn’t just abt Iran &USA.God protect us #Soleimani
— Mehwish Hayat TI (@MehwishHayat) January 3, 2020
ایرانی جنرل قاسم سلیمانی کی ہلاکت کے حوالے سے ٹویٹ میں ان کا کہنا تھا کہ میرے خیال میں یہ اس وقت ہوتا ہے جب آزاد دنیا کے لیڈر بین الاقوامی قوانین کی پرواہ کیے بغیر یکطرفہ فیصلے کریں۔یہ بات صرف ایران اور امریکا تک محدود نہیں، خدا ہم سب کی حفاظت کرے۔
صدارتی تمغہ حاصل کرنے والی اداکارہ نے جب یہ ٹویٹ کی تو اس کے بعد پاکستان تحریک انصاف (پی ٹی آئی) کے ایم این اے ڈاکٹر عامر لیاقت نے ان کے اس ٹویٹ کا جواب دیا۔
تمغہ امتیاز کا مطلب یہ نہیں ہے کہ آئٹم گرل امتیازی بیانات دیں، اُنہیں پاکستان کی پالیسی کے ساتھ چلنا چاہئیے اور ویسے بھی قاسم سلیمانی اگر حیات ہوتے تو کیا ایران میں انہیں پرفارم کرنے بلاتے؟ https://t.co/NfDnwFaPSo
— Aamir Liaquat Husain (@AamirLiaquat) January 5, 2020
پی ٹی آئی ایم این اے نے لکھا کہ تمغہ امتیاز کا مطلب یہ نہیں ہے کہ آئٹم گرل امتیازی بیانات دیں، اُنہیں پاکستان کی پالیسی کے ساتھ چلنا چاہئے اور ویسے بھی قاسم سلیمانی اگر حیات ہوتے تو کیا ایران میں انہیں پرفارم کرنے بلاتے؟
This "item girl" is exercising her democratic right to have an opinion whereas you keep stooping to making personal jibes and nothing more. Man up! BTW whatever happened to the case you were filing against me for “Load Wedding”? I have been waiting with bated breath ...
— Mehwish Hayat TI (@MehwishHayat) January 5, 2020
اس ٹویٹ کے بعد اداکارہ خاموش نہ ٹھہریں انہوں نے بر وقت جواب دینے کے لیے سماجی رابطے کی ویب سائٹ ٹویٹر پر ٹویٹ کیے اور لکھا کہ یہ آئٹم گرل اپنی رائے دینے کا جمہوری حق استعمال کررہی ہے جبکہ آپ صرف طعنہ بازی کرسکتے ہیں اور کچھ نہیں، مرد بنیں۔
مہوش حیات نے اپنی فلم لوڈ ویڈنگ کا حوالہ دیتے ہوئے بھی عامر لیاقت پر طنز کرتے ہوئے لکھا کہ ویسے اُس مقدمے کا کیا ہوا جو آپ لوڈ ویڈنگ کو لے کر میرے خلاف دائر کرنے والے تھے؟ میں بے چینی سے انتظار کررہی ہوں۔
