لاہور: (ویب ڈیسک) پاکستانی فلم اور ڈرامہ انڈسٹری کی اداکارہ ہانیہ عامر نے سوشل میڈیا پر اپنے مداحوں کو محبت سے متعلق ایک اہم پیغام دیا ہے جس پر انہیں ایک مداح کی جانب سے چائنا کی انجلینا جولی قرار دے دیا گیا ہے۔
ہانیہ عامر کی جانب سے فوٹو، ویڈیو شیئرنگ ایپلی کیشن انسٹا گرام پر ایک تصویر شیئر کی گئی ہے جس میں وہ گاڑی میں موجود کسی جانب سفر کر رہی ہیں اور کافی خوشگوار موڈ میں نظر آ رہی ہیں۔
ہانیہ عامر نے اپنی تصویر شیئر کرتے ہوئے مداحوں کو پیغام دیا ہے کہ ’پیار زیادہ کریں، نفرت بہت ہو چکی ہے۔‘
ہانیہ عامر کی اس تصویر پر اُن کے فالوورز کی جانب سے خوب لائیکس اور کمنٹس کیے جا رہے ہیں جبکہ ایک انسٹا صارف کی جانب سے کہا گیا کہ وہ چائنا کی انجلینا جولی لگتی ہیں۔
ہانیہ عامر کی اس پوسٹ پر دیگر صارفین کی جانب سے بھی کمنٹ کیے گئے جن میں اُن کا ہانیہ کی اداکارانہ صلاحیتوں کی تعریف کرتے ہوئے کہنا تھا کہ وہ بہت کیوٹ لگتی ہیں۔
واضح رہے کہ ہانیہ عامر کی جانب سے ایک پوسٹ شیئر کی گئی ہے جس میں وہ اپنے دوستوں کے ہمراہ نظر آ رہی ہیں، اس پوسٹ کے کیپشن میں ہانیہ عامر کا بتانا ہے کہ اُن کا پسندیدہ شہر اسلام آباد ہے۔
