لاہور: ( ویب ڈیسک ) معروف بھارتی اداکارہ اور ڈانسر نورا فتیحی ایک ڈانس پروگرام کے دوران مشہور گانے "پچھتائو گی" پر ڈانس پرفارمنس دیکھ کر آبدیدہ ہوگئیں۔
تفصیلات کے مطابق نورا فتیحی ایک ڈانس ریئیلٹی شو جھلک دکھلا جا میں جج کے فرائض سرانجام دے رہی ہیں، اداکارہ کے سامنے جب گانے پچھتاؤ گی پر پرفارمنس پیش کی گئی تو اپنے آنسو روک نہ سکیں۔
پرفارمنس دیکھنے کے بعد نورا فتیحی کا کہنا تھا کہ جب یہ گانا مجھ پر فلمایا گیا تھا تو میں کچھ اسی قسم کی جذباتی صورتحال سے گزر رہی تھی۔
انہوں نے اشارہ دیا کہ اس وقت بریک اپ کی وجہ سے ان کا دل ٹوٹا ہوا تھا اور اس گانے میں انہوں نے اپنے حقیقی جذبات کو بھی فلمایا تھا۔
واضح رہے کہ نورا فتیحی ماضی میں انگد بیدی کے ساتھ لمبے عرصے تک ڈیٹ کرتی رہی ہیں لیکن پھر انگد نے 2018 میں نیہا دھوپیا سے شادی کرلی۔
