نئی دہلی: (ویب ڈیسک) جنوبی بھارت کی کناڈا فلموں کے اداکار سنتوش بالاراج منگل کو بنگلور میں یرقان کی پیچیدگیوں کے باعث صرف 34 برس کی عمر میں چل بسے۔
اداکار آنجہانی پروڈیوسر انیکل بالاراج کے بیٹے تھے جنھوں نے سنتوش کو 2009 کی فلم کیمپا سے فلمی دنیا میں متعارف کروایا تھا۔
ان کی موت کے حوالے سے بتایا گیا ہے کہ وہ گزشتہ ماہ سے بنگلور کے کمار سوامی لے آؤٹ میں واقع اپولو ہسپتال میں زیر علاج تھے جہاں ان کے جگر اور گردوں کا علاج جاری تھا، تاہم منگل کی صبح ان کی طعبیت بگڑ گئی اور وہ یرقان کی پیچیدگی کی وجہ سے چل بسے۔
