کراچی: (دنیا نیوز) خاتون اول آصفہ بھٹو زرداری کا بریسٹ کینسر سے آگاہی کے مہینے کے موقع پر ویڈیو پیغام جاری ہو گیا۔
اپنے پیغام میں آصفہ بھٹو نے کہا کہ پاکستان میں 40 ہزار سے زائد خواتین سالانہ بریسٹ کینسر کی وجہ سے زندگی کی بازی ہار جاتی ہیں، پاکستان میں ہر سال 90 ہزار سے زائد بریسٹ کینسر کی مریضوں کی تشخیص ہوتی ہے۔
خاتون اول نے کہا کہ پاکستان میں بریسٹ کینسر کی مریضوں کی بیشتر اوقات تاخیر سے تشخیص ہوتی ہے، بروقت تشخیص اور درست علاج سے بریسٹ کینسر سے بچاؤ کی شرح 90 فیصد سے زائد ہے، خود معائنے کا ایک سادہ سا طریقہ اور سکریننگ ہزاروں زندگیاں بچا سکتی ہے۔
آصفہ بھٹو زرداری کا کہنا تھا کہ اپنی صحت کو اہمیت دیں، خاموشی توڑدیں، آگاہی پھیلائیں، ہم مل کر زندگیاں بچاسکتے ہیں اور ایک صحت مند مضبوط پاکستان بناسکتے ہیں۔
