لاہور: (دنیا نیوز) لاہور ہائیکورٹ نے آشیانہ ہاؤسنگ اسکینڈل میں 2 ملزمان کی درخواست ضمانت منظور کرنے کا تحریری فیصلہ جاری کر دیا۔
فیصلہ لاہور ہائیکورٹ کے جسٹس علی باقر نجفی پر مشتمل 2 رکنی بینچ نے جاری کیا۔ عدالت نے ملزم اسرار سعید اور عارف مجید بٹ کو ضمانت پر رہا کرنے کا حکم دیدیا۔ تحریری فیصلے میں کہا گیا ہے کہ دونوں ملزمان کے نام رہائی سے قبل ای سی ایل میں شامل کئے جائیں۔ اسرار سعید اور عارف مجید بٹ کے پاسپورٹ نیب کے حوالے کیے جائیں جبکہ دونوں ملزمان کو 10،10 لاکھ روپے کے ضمانتی مچلکے جمع کروانے کی ہدایت بھی کی گئی ہے۔ تحریری فیصلہ 2 صفحات پر مشتمل ہے۔
