سیالکوٹ: (دنیا نیوز) سیالکوٹ میں جی سی ہائر اسکندڑی سکول کینٹ کی اراضی پر مبینہ قبضے کیخلاف طلبا نے احتجاج کیا، مشتعل طلبا نے سکول کی اراضی پر لگائے گئے سٹالز توڑ دیئے۔
سکول کی اراضی پر مبینہ قبضے کیخلاف طلبا نے احتجاج کرتے ہوئے سٹالز پر توڑ پھوڑ اور سامان جلا دیا، طلبا نے گھنٹہ گھر چوک پر رکاوٹیں کھڑی کر کے احتجاج کیا، احتجاج کے باعث کینٹ روڈ بلاک ہوگیا۔
سکول انتظامیہ کا کہنا ہے قبضہ مافیا کافی عرصے سے سکول کی اراضی پر قابض ہے، کئی بار اعلیٰ حکام کو درخواستیں دیں مگر شنوائی نہ ہوئی۔
