پتوکی: (دنیا نیوز) پتوکی میں لین دین کے تنازع پر دکاندار نے فائرنگ کر کے پولیس ملازم بابر کو زخمی کر دیا۔ مشتعل افراد نے 6 دکانوں کو آگ لگا دی جس کے نتیجے میں 1 شخص زخمی ہو گیا جسے ہسپتال منتقل کر دیا گیا ہے، فاٸر برگیڈ عملہ آگ بجھانے کو کوششوں میں مصروف عمل ہو گیا۔
پتوکی کے قریب 22 چک میں لین دین پر دکاندار بشارت اور پولیس ملازم بابر کے درمایان تلخ کلامی ہوئی جس پر غصہ میں آ کر دکان دار بشارت نے فائر مار کر پولیس ملازم بابر کو زخمی کر دیا، جسے زخمی حالت میں ٹی ایچ کیو پتوکی منتقل کیا گیا اور بعد ازاں لاہور ریفر کر دیا۔
پولیس ملازم بابر کے ورثاء نے دکانوں کو آگ لگا دی جس سے 6 دکانیں راکھ کا ڈھیر بن گئیں، آگ لگنے سے ایک شخص شدید زخمی ہوا جسے ٹی ایچ کیو منتقل کر دیا گیا ہے، پولیس اور ریسکیو کی ٹیمیں موقع پر پہنچ گئیں جبکہ فاٸر برگیڈ کا عملہ آگ بجھانے کی کوششوں میں مصروف ہو گیا۔
