کراچی: (دنیا نیوز) کراچی میں انٹرکا پرچہ آج بھی معمول کے مطابق آوٹ ہو گیا۔ مطالعہ پاکستان کا پیپر امتحانی مراکز کے بجائے پہلے نقل مافیا تک پہنچا۔
شہر قائد میں نقل مافیا ایسا بے لگام ہے کہ نہ اسے انٹر بورڈ کنٹرول کر پا رہی ہے نہ ہی محکمہ تعلیم سندھ، آج بھی انٹر کا پرچہ آوٹ ہو گیا۔ معمول کے مطابق انٹرمیڈیٹ مطالعہ پاکستان کا پرچہ امتحانی مراکز پہنچنے سے پہلے ہی نقل مافیا تک پہنچ گیا جس کے بعد سوشل میڈیا پر حل شدہ مواد بھی گردش کرنے لگا۔
رواں سال ہونے والے انٹر امتحانات انتہائی بدنظمی کا شکار ہیں، بااثر نقل مافیا بورڈ حکام کو بھی دھمکا چکا ہے۔
