اسلام آباد: (دنیا نیوز) صدرمملکت ڈاکٹرعارف علوی نے کہا ہے کہ نریندر مودی کی انتہا پسند تنظیمیں آر ایس ایس اور بی جے پی ہٹلر سے متاثر اور نازی ازم کے ایجنڈے پر عمل پیرا ہیں جس کا عالمی برادری کوفوری نوٹس لینا چاہیے۔
سوشل میڈیا پیغام میں صدر مملکت کا کہنا تھا کہ مودی کے گجرات میں کتابوں کا ہیرو ہٹلر ہے۔ انھوں نے عالمی برادری کوآنے والے ممکنہ خطرے سے پیشگی خبردار کرتے ہوئے کہا کہ مودی کی نام نہاد سیاسی تنظیم بھارتیہ جنتا پارٹی (بی جے پی) اور راشٹریہ سیوک سنگھ(آر ایس ایس) دراصل قتل و غارت پر مشتمل ایجنڈے نازی ازم سے متاثر اور اس نظرئیے پر عمل پیرا بھی ہے۔
In Modi s Gujarat, Hitler is a textbook hero. RSS/BJP agenda takes inspiration from Hitler and the Ideology of Nazism. The World should pay attention https://t.co/cPOoBHoG2m via @timesofindia
— Dr. Arif Alvi (@ArifAlvi) August 16, 2019
قبل ازیں وزیراعظم نے بھی آج اپنے ٹویٹر پیغام میں بھارتی وزیراعظم نریندرمودی کو قتل و غارت کے نظرئیے پر عمل کرنے والا(فاسشٹ)کہتے ہوئے مخاطب کیا تھا، ان کا کہنا تھا کہ مودی جان لے، بہتر افواج کی مدد سے کسی دوسری فوج، عسکریت پسندوں اور دہشت گردوں کو تو شکست دی جا سکتی ہے لیکن تاریخ گواہ ہے کہ جب کوئی قوم آزادی کے لئے متحد ہوتی ہے تو اسے کوئی نہیں روک سکتا۔
