اسلام آباد: (دنیا نیوز) مریم اورنگزیب کہا ہے کہ الیکشن کمیشن کے ارکان کی تقرری غیر آئینی ہے جسے ان کی جماعت مسلم لیگ ن مسترد کرتی ہے۔
مریم اورنگزیب کی جانب سے جاری بیان میں کہا گیا ہے کہ الیکشن کمیشن ارکان کی تقرری میں پارلیمنٹ کمیٹی کو نظر انداز کیا گیا۔ حکومت نے پارلیمنٹ کو بائی پاس کرکے نوٹیفیکیشن جاری کیا۔
انہوں نے الزام عائد کیا کہ حکومت آئینی، پارلیمانی، جمہوری تقاضوں اور قواعد کی خلاف ورزی کی مرتکب ہوئی ہے۔ مسلم لیگ ن مطالبہ کرتی ہے کہ یکطرفہ تقری کے معاملہ پر حکومت آئینی اور پارلیمانی طریقہ کار اپنائے اور فیصلے کو واپس لے۔
مریم اورنگزیب کا کہنا تھا کہ مسلم لیگ ن مطالبہ کرتی ہے کہ الیکشن کمیشن کے ممبران کی تقری متحدہ اپوزیشن کی مشاورت سے کی جائے۔
