تازہ ترین
  • بریکنگ :- 24 گھنٹےکےدوران 20 ہزار 272 کوروناٹیسٹ کیےگئے،این آئی ایچ
  • بریکنگ :- 24 گھنٹےمیں کوروناکےمزید 728 کیس رپورٹ،این آئی ایچ
  • بریکنگ :- ملک میں کورونامثبت کیسزکی شرح 3.59 فیصدرہی،این آئی ایچ
  • بریکنگ :- ملک میں 24 گھنٹےکےدوران کوروناسےمزید 3 اموات،این آئی ایچ
  • بریکنگ :- کوروناسےمتاثر 161 مریضوں کی حالت تشویشناک،این آئی ایچ

کراچی کے بیشتر علاقوں میں بدترین لوڈشیڈنگ، معمولات زندگی متاثر، شہری پریشان

Published On 25 September,2020 12:08 pm

کراچی: (دنیا نیوز) کراچی میں بجلی کا بحران شدت اختیار کر گیا، شہر میں گیس پریشر میں کمی کے باعث مختلف علاقوں میں بجلی کی طویل بندش کا سلسلہ جاری ہے، لوڈشیڈنگ کا دورانیہ 10 گھنٹوں سے تجاوز کر گیا۔

شدید گرمی میں کراچی والوں کیلئے بجلی کی بندش اذیت بن گئی، کئی روز سے جاری طویل لوڈشیڈنگ کا مسئلہ تاحال حل نہ ہوسکا، گیس پریشر میں کمی کے باعث مختلف علاقوں میں 12 گھنٹوں سے زائد لوڈشیڈنگ کی جا رہی ہے۔

اورنگی ٹاون، ملیر سٹی، لیاقت آباد، نیو کراچی، لائینز ایریا، منظور کالونی، ہزارہ کالونی، سہراب گوٹھ، گلستان جوہر، ابوالحسن اصفہانی روڈ، نارتھ ناظم آباد، لانڈھی، کورنگی، خداداد کالونی سمیت دیگر علاقے بجلی کی لوڈشیڈنگ سے متاثر ہیں، لوڈشیڈنگ سے مستثنی علاقوں میں بھی کئی کئی گھنٹے بجلی بند ہے۔

ترجمان کے الیکٹرک کے مطابق گیس پریشر میں کمی سے 300 میگاواٹ تک پیداواری صلاحیت متاثر ہوئی، چار میں سے 3 پلانٹس گیس پریشر کم ہونے کے باعث متاثر ہوئے۔