اسلام آباد: (دنیا نیوز) نیشنل کمانڈ اینڈ آپریشن سینٹر نے شہریوں کیلئے ایک ہیلپ لائن کا آغاز کیا ہے جس پر ملک بھر میں کورونا وباء کے حوالے سے ایس او پیز کی خلاف ورزی کی شکایت کی جا سکے گی۔
نیشنل کمانڈ اینڈ آپریشن سینٹر نے ٹویٹ پر شہریوں سے کہا ہے کہ اگر آپ کورونا وباء کے حوالے سے ایس او پیز کی کوئی خلاف ورزی دیکھتے ہیں تو واٹس ایپ کے نمبر 03353336262 پر بذریعہ پیج مطلع کریں۔
این سی او سی نے مزید کہا کہ کورونا سے متعلق ایس او پیز بشمول ماسک نہ پہننا، معاشرتی فاصلہ نہ رکھنا، عوامی مقامات پر جمع ہونا وغیرہ خلاف ورزی میں شامل ہیں۔
In case you come across any violation of COVID SOPs, please text at whatsaap number 03353336262. Stay Safe! pic.twitter.com/ec9rthLsKU
— NCOC (@OfficialNcoc) March 29, 2021
این سی او سی کے ٹویٹ میں مزید کہا گیا ہے کہ ایس او پیز کی خلاف ورزی کی تصویر بنا کر اور اس کی تفصیلات لکھ کر(0335333NCOC) (03353336262) پر بھیج دیں۔
واضح رہے کہ خلاف ورزی کے مقام کا نام ، تحصیل، ضلع، شہر، تاریخ، وقت اور جو واقعہ ہوا اس کے متعلق بھی تحریر کیا جائے۔
