تازہ ترین
  • بریکنگ :- فیٹف نےحالیہ اجلاس میں پاکستان کی کارکردگی کاجائزہ لیا ،وزارت خزانہ
  • بریکنگ :- فیٹف نےپاکستان کی نمایاں پیشرفت کوسراہا،وزارت خزانہ
  • بریکنگ :- پاکستان نے2021ایکشن پلان کے7میں سے 4نکات پرعملدرآمد کرلیا،وزارت خزانہ
  • بریکنگ :- پاکستان نےمقررہ مدت سےپہلےخاطرخواہ پیشرفت کی،وزارت خزانہ
  • بریکنگ :- فیٹف پاکستان کااگلاریویوفروری2022 میں کرےگا،وزارت خزانہ
  • بریکنگ :- پاکستانی وفدکی سربراہی وزیرتوانائی محمدحماداظہرنےکی،وزارت خزانہ
  • بریکنگ :- پاکستان دونوں ایکشن پلانزکےاہداف کےحصول کیلئےپرعزم ہے،وزارت خزانہ
  • بریکنگ :- فیٹف کاتمام ایکشن پلانزپرپاکستان کے عملدرآمدپراطمینان کااظہار،وزارت خزانہ
  • بریکنگ :- فیٹف کوایکشن پلانزکےبارےمیں جامع رپورٹ پیش کردی گئی،وزارت خزانہ

پنجاب گروپ آف کالجز نے پولیس ملازمین کے بچوں کی تعلیم کا بیڑہ اُٹھا لیا

Published On 27 May,2021 04:52 pm

لاہور: (دنیا نیوز) پنجاب گروپ آف کالجز نے ایک اور شاندار اقدام اٹھاتے ہوئے پولیس ملازمین کے بچوں کی تعلیم کا بیڑہ اُٹھا لیا ہے، اب شہدا کے بچے بغیر فیس پنجاب کالجز میں پڑھیں گے جبکہ زخمی پولیس ملازمین کے بچوں کو فیس میں 50 فیصد رعایت ہو گی۔ مفاہمتی یادداشت پر دستخط ہوگئے۔

آئی جی آفس میں منعقدہ تقریب میں ایگزیکٹو ڈائریکٹر پنجاب گروپ آف کالجز پروفیسر سہیل افضل اور ڈی آئی جی پولیس ویلفیئر آغا یوسف نے ایم او یو پر دستخط کئے۔

اس موقع پر ایڈیشنل آئی جی فنانس فاروق مظہر کا کہنا تھا پنجاب گروپ آف کالجز پولیس افسران اور اہلکاروں کے بچوں کے لئے احسن اقدامات اٹھاتا رہتا ہے۔ پنجاب گروپ آف کالجز کے تمام اداروں کا تعلیمی معیار انتہائی اعلی ہے۔

ان کا کہنا تھا کہ میں سہیل افضل سے درخواست کرونگا کہ آئندہ بھی افسران اور سپاہیوں کے بچوں کے لئے اقدامات کرتے رہیں۔ ایگزیکٹو ڈائریکٹر پنجاب گروپ آف کالجز سہیل افضل کا اس موقع پر کہنا تھا کہ پنجاب پولیس کے بچوں کی تعلیم کے لئے پورا گروپ ہر وقت حاضر ہے، جب بھی ہماری خدمات کی ضرورت ہوگی ہم پیش پیش ہونگے۔

ایڈیشنل آئی جی فنانس فاروق مظہر، ایڈیشنل آئی جی آپریشنز صاحبزادہ سلطان، ڈی آئی جی آپریشنز سہیل سکھیرا اور پی ایس او ٹو آئی جی صہیب اشرف بھی اس موقع پر موجود تھے۔

تقریب کے اختتام پر یادگاری شیلڈز اور تحائف کا تبادلہ بھی کیا گیا۔ آئی جی پنجاب ڈاکٹر انعام غنی نے پروفیسر سہیل افضل سے ملاقات کی اور پنجاب گروپ آف کالجز کا شکریہ ادا کرنے کے ساتھ سووینئر بھی پیش کیا۔