لاہور: (دنیا نیوز) سینئر صحافی عارف نظامی خالق حقیقی سے جا ملے، وہ عارضہ قلب کے سبب لاہور کے مقامی ہسپتال میں زیر علاج تھے۔
عارف نظامی نوائے وقت گروپ کے بانی حمید نظامی کے بیٹے اور انگریزی اخبار پاکستان ٹوڈے کے بانی و ایڈیٹر تھے۔ وہ 2013 میں نگران وزیر اطلاعات کے عہدے پر بھی فائز رہے۔
انہیں دل کے عارضے کے سبب 2 ہفتے قبل لاہور کے مقامی ہسپتال میں منتقل کیا گیا تھا جہاں حرکت قلب بند ہو جانے کے سبب آج وفات پا گئے۔ وزیر اعظم عمران خان نے عارف نظامی کے اہلخانہ سے اظہار تعزیت کیا ہے۔ ان کا کہنا تھا کہ عارف نظامی کےانتقال پردل رنجیدہ ہے، میری دعائیں اور ہمدردیاں ان کے اہلِ خانہ کے ساتھ ہیں۔
Saddened to learn of the passing of veteran journalist, editor and political commentator Arif Nizami. My condolences and prayers go to his family.
— Imran Khan (@ImranKhanPTI) July 21, 2021
وفاقی وزیر اطلاعات فواد چودھری کا کہنا تھا کہ عارف نظامی کی رحلت کا سن کر دل بجھ گیا ہے، ان سے طویل تعلق تھا۔ عارف نظامی کے والد اور میرے دادا تحریک پاکستان میں ہمسفر تھے۔
عارف نظامی صاحب کی رحلت کا سن کر دل بجھ گیا ہے، ان سے طویل تعلق تھا، تحریک پاکستان میں ان کے والد حمید نظامی اور میرے دادا چوہدری اویس اور تایا چوہدری الطاف حسین ہمسفر تھے اسی تعلق سے ان سے وہی تعلق رہا جو خاندان کے بزرگوں سے ہوتا ہے خدا غریق رحمت کرے pic.twitter.com/AnUJFpUflZ
— Ch Fawad Hussain (@fawadchaudhry) July 21, 2021
سندھ حکومت کے ترجمان مرتضی وہاب نے بھی ٹویٹر پیغام میں عارف نظامی کی وفات پر شدید رنج و غم کا اظہار کیا ہے۔ ترجمان نے مرحوم کی صحافت کیلئے خدمات کا اعتراف کرتے ہوئے بلندی درجات کی دعا کی۔
Heard about the sad demise of Arif Nizami sb. He was an icon in the field of journalism & always preferred substance over sensationalism. May Allah Ta’ala bless his soul & give strength to the bereaved family
— Murtaza Wahab Siddiqui (@murtazawahab1) July 21, 2021
