کراچی: (دنیا نیوز) ہوا بازوں کے امتحانات سے متعلق اچھی خبر، برطانوی سول ایوی ایشن نظام کے تحت ہوا بازوں کے امتحانات مارچ سے شروع کرنے کا فیصلہ کرلیا گیا۔
سول ایوی ایشن مارچ سے پائلٹ لائسنس امتحانات شروع کرے گا، جس کے لئے تیاری مکمل کر لی گئی۔ سول ایوی ایشن اتھارٹی نے امتحانات کیلئے برطانوی سی اے اے کا نظام حاصل کیا ہوا۔ ذرائع کا کہنا ہے کہ برطانوی سی اے اے نے امتحانات سے متعلق پلان سول ایوی ایشن کو دے دیا۔ ڈی جی سی اے اے آج فیس بک پر امتحانات بحال ہونے کا اعلان کرینگے۔ سی اے اے پر جولائی 2020 سے پائلٹس لائسنس امتحانات پر پابندی عائد تھی۔
ذرائع کے مطابق مجموعی طور 5 ہزار کے قریب پائلٹس، ایرکرافٹس انجینیئرز اور ایئر ٹریفک کنٹرولرز کی امتحانات کیلئے درخواستیں 2020 سے اب تک سی اے اے کے پاس جمع ہیں، انٹرنیشنل سول ایوی ایشن آرگنائزیشن کے حالیہ آڈٹ میں کامیابی کے بعد سول ایوی ایشن پاکستان کو پائلٹس لائسنس امتحانات شروع کرنے کی اجازت دی ہے۔ مشکوک لائسنس پائلٹس کا معاملہ سامنے آنے پر انٹرنیشنل سول ایوی ایشن آرگنائزیشن نے پاکستان سی اے اے پر پائلٹس لائسنس امتحانات پر پابندی عاید کی تھی۔
