لاہور: (دنیا نیوز) پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان سے سوشل میڈیا کارکنان نے زمان پارک میں ملاقات کی ہے۔
تفصیلات کے مطابق سابق وزیر اعظم عمران خان سے پارٹی کے سوشل میڈیا کارکنان نے لاہور میں ملاقات کی، ملاقات میں ملک بھر سے سوشل میڈیا کارکنان نے شرکت کی۔
اس موقع پر چیئرمین تحریک انصاف نے کہا کہ میں نے کبھی زندگی میں ہار نہیں مانی، انسان کو کسی مقصد کے لئے پیدا کیا گیا ہے، اس مقصد کو پہچانیں اور حاصل کریں۔
چئیرمین تحریک انصاف عمران خان سے فیسبک پر متحرک سوشل میڈیا سپورٹرز کے وفد کی ملاقات
— PTI (@PTIofficial) December 31, 2022
چئیرمین تحریک انصاف نےسوشل میڈیا وولنٹئیرز کے جذبے اور وطن سے محبت کو سراہا
سوشل میڈیا رضاکاروں نے چئیرمین عمران خان کو مسائل سے آگاہ کیا
چئیرمین عمران خان نے رضاکاروں کےسوالات کے جامع جواب دئیے pic.twitter.com/9O7XZ1WUBw
سابق وزیر اعظم نے کہا کہ ملکی حالات تباہی کی طرف جا رہے ہیں، جن کے ہاتھ میں باگ ڈور دی گئی ہے یہ معیشت نہیں سنبھال سکتے۔
یہ بھی پڑھیں: الیکشن کمیشن نے خود کو امپورٹڈ حکومت کی ’’بی‘‘ ٹیم ثابت کر دیا: عمران خان
چیئرمین پی ٹی آئی کا مزید کہنا تھا کہ ملکی مسائل کا حل نئے انتخابات ہیں، سندھ میں اگلی حکومت پاکستان تحریک انصاف بنائے گی۔
