لاہور: (دنیا نیوز) ایڈووکیٹ جنرل پنجاب سمیت لاء افسران کو عہدہ سے ہٹانے کے معاملے پر رجسٹرار آفس لاہور ہائیکورٹ نے درخواستیں سماعت کیلئے مقرر کر دیں۔
لاہور ہائی کورٹ میں جسٹس علی باقر نجفی کی سربراہی میں 5 رکنی لارجر بنچ 13 فروری کو سماعت کرے گا، بنچ میں جسٹس عابد عزیز شیخ ، جسٹس شاہد کریم ، جسٹس عاصم حفیظ ، جسٹس انوار حسین شامل ہیں۔
یہ بھی پڑھیں:ایڈووکیٹ جنرل پنجاب احمد اویس سمیت 97 لاء افسر عہدوں سے فارغ
دوسری جانب پنجاب میں نگران حکومت کے اختیارات اور ٹرانسفر پوسٹنگ کے خلاف درخواستیں بھی سماعت کے لیے مقرر کر دی گئی۔
جسٹس علی باقر نجفی کی سربراہی میں 5 رکنی لارجر بنچ 14 فروری کو درخواستوں پر سماعت کرے گا، اوورسیز کمیشن بورڈ، سنسر بورڈ کی تحلیل سمیت دیگر کی جانب سے نگران حکومت کے نوٹی فکیشن کو چیلنج کیا گیا ہے۔
