اسلام آباد: (دنیا نیوز) سوڈان میں موجود پاکستانی سفیر میر بہروز نے کہا ہے کہ سوڈان سے پاکستانی شہریوں کا انخلاء آج سے شروع ہو رہا ہے۔
اپنے ایک بیان میں میر بہروز نے کہا کہ سعودی مسافروں کے ساتھ صرف ایک پاکستانی لڑکی جہاز میں سوار تھیں، پاکستانی لڑکی سعودی ائیر لائن سے منسلک ہے، پاکستانیوں کے انخلا سے متعلق کوششیں کر رہے ہیں، پاکستانی مشن کے پاس تقریباً 800 پاکستانیوں کی فہرست موجود ہے۔
انہوں نے کہا اس وقت سب سے بڑا مسئلہ بس سروس کا ہے، مسافر بسوں کو ایئرپورٹ تک لے کر جانا ہے، بذریعہ سوڈان بحری جہاز پاکستانی مسافروں کو سعودی عرب، مصر یا قریبی محفوظ ملک پہنچائیں گے، محفوظ ملک پہنچنے کے بعد وہاں سے فلائٹ کے ذریعے پاکستان آئیں گے۔
