اسلام آباد: (دنیا نیوز) سپریم کورٹ پریکٹس اینڈ پروسیجر ایکٹ کیخلاف آئینی درخواستوں پر تحریری حکم نامہ جاری کر دیا گیا۔
سپریم کورٹ نے آٹھ جون کی سماعت کا تحریری حکم نامہ جاری کرتے ہوئے پریکٹس اینڈ پروسیجر ایکٹ کے خلاف جاری حکم امتناع میں ایک ماہ کی توسیع کر دی، سپریم کورٹ کے 8 رکنی بینچ میں شامل جسٹس شاہد وحید کی علالت کے باعث کھلی عدالت میں سماعت نہ ہو سکی، آئینی درخواستوں پر سماعت جولائی تک ملتوی کر دی۔
یہ بھی پڑھیں: پی ٹی آئی کی ریویو آف آرڈرز اینڈ ججمنٹس ایکٹ فوری معطل کرنے کی استدعا مسترد
تحریری حکم نامے کے مطابق اٹارنی جنرل نےعدالتی اصلاحات قانون اور نظرثانی کے نئے قانون میں درستگی کیلئے مزید مہلت کی استدعا کی ہے، اٹارنی جنرل کے مطابق دونوں قوانین میں غلطیوں کی درستگی کیلئے ڈرافٹ شروع ہو چکا، پارلیمنٹ کے بجٹ سیشن اور عید تعطیلات کی وجہ سے قانون سازی کیلئے مزید وقت درکار ہے۔
