بہاولنگر : ( دنیا نیوز ) پنجاب کے ضلع بہاولنگر میں ٹریفک حادثے کے نتیجے میں 3 افراد زخمی ہوگئے۔
ریسکیو ذرائع کے مطابق بہاولنگر میں ریلوے روڈ پر افسوسناک ٹریفک حادثہ پیش آیا جہاں کار اور ٹرک کے درمیان تصادم کے نتیجے میں 3 افراد زخمی ہوگئے۔
ریسکیو ذرائع نے بتایا کہ حادثے کے نتیجے میں زخمی ہونے والے تینوں افراد کو طبی امداد کے لئے ہسپتال منتقل کر دیا گیا ہے۔
ذرائع نے مزید بتایا کہ حادثہ تیز رفتاری کے باعث پیش آیا۔
