بالا کوٹ: (دنیا نیوز) مسافر جیپ کھائی میں گرنے سے ایک شخص جاں بحق جبکہ 8 افراد زخمی ہوگئے۔
افسوسناک حادثہ بالاکوٹ کے علاقے سنگڑ کے قریب پیش آیا جہاں بے قابو جیپ کھائی میں جاگری، حادثے میں ایک شخص جاں بحق ہوگیا جبکہ 2 خواتین سمیت 8 افراد شدید زخمی ہوگئے۔
مسافر جیپ بالا کوٹ سے سنگڑ جارہی تھی، زخمیوں کو تحصیل ہیڈکوارٹر ہسپتال میں ابتدائی طبی امداد کے بعد مانسہرہ ہسپتال میں ریفر کردیا گیا۔
