کراچی: (ویب ڈیسک ) محکمہ موسمیات کا کہنا ہے کہ کراچی کا موسم آج جزوی ابر آلود اور مرطوب رہنے کا امکان ہے، تاہم تیز ہواؤں کے ساتھ ہلکی بارش بھی ہوسکتی ہے۔
محکمہ موسمیات کے مطابق کراچی میں آج زیادہ سے زیادہ درجہ حرارت 35 سے 37 ڈگری سینٹی گریڈ رہنے کا امکان ہے، شہر کا موجودہ درجہ حرارت 31 ڈگری سینٹی گریڈ ریکارڈ کیا گیا ہے۔
شہر میں گرمی کی شدت 37 ڈگری سینٹی گریڈ محسوس کی جا رہی ہے، ہوا میں نمی کا تناسب 69 فی صد، رفتار 10 ناٹیکل مائل ہے، اور ہوا جنوب مغرب کی سمت سے چل رہی ہے۔
محکمہ موسمیات کے مطابق کراچی میں صبح اور شام کے اوقات میں بوندا باندی اور تیز ہواؤں کے ساتھ ہلکی بارش متوقع ہے ۔
علاوہ ازیں محکمہ موسمیات نے کوئٹہ سمیت صوبےکے اکثر اضلاع میں موسم گرم اورمرطوب رہنے کی پیش گوئی کی ہے ، کوئٹہ میں زیادہ سے زیادہ درجہ حرارت 37سے39 سینٹی گریڈ رہنےکاامکان ہے ۔
