اسلام آباد:(دنیا نیوز) رہنما تحریک انصاف شاندانہ گلزار نے کہا ہے کہ گیلپ سروے والا ن لیگ کا ٹکٹ ہولڈرہے، اب جھوٹی باتوں کا چورن نہیں بکے گا۔
دنیا نیوزکےپروگرام’’دنیا مہربخاری کےساتھ‘‘میں گفتگو کرتے ہوئے شاندانہ گلزار کا کہنا تھا کہ بانی نےکہا نومئی کےشواہد دیئےجائیں اور سیاسی قیدیوں کورہا کیا جائے، کون لوگ ہیں جو جیل جا کر بانی کی منتیں کر رہے ہیں۔
انہوں نے کہا کہ عمران خان ان کی بات نہیں مان رہا اسی لیے انہیں سہولیات نہیں دی جا رہیں، یہ مسلسل بانی کو ڈیل کی آفر کر رہے ہیں، وہ کہتے ہیں ڈیل نہیں مذاکرات کروں گا۔
رہنما تحریک انصاف کا کہنا تھا کہ عالیہ حمزہ پنجاب میں پارٹی کی ہیڈ ہیں،پارلیمانی پارٹی کی نہیں، علی امین گنڈا پورکی بات کی سب نےتائید کی تھی، جب تک بانی کوعلی امین گنڈا پورپراعتماد ہے وہ وزیراعلیٰ رہیں گے۔
ایک اور سوال کے جواب میں ،شاندانہ گلزار نے کہا کہ یہ وہی گیلپ پاکستان والا جو(ن) لیگ کا ٹکٹ ہولڈر ہے، جھوٹی باتوں کا چورن پہلےبکتا تھا اب نہیں بکےگا، گیلپ پاکستان والا ڈرامہ اب نہیں چلےگا۔
ان کا مزید کہنا تھا کہ مسلم لیگ (ن) نے پنجاب اور پیپلزپارٹی نے سندھ کو تباہ کردیا ہے، پاکستان کی عوام بانی پی ٹی آئی کےساتھ کھڑی ہے۔
