اسلام آباد: (دنیا نیوز) نیشنل ڈیزاسٹر مینجمنٹ اتھارٹی (این ڈی ایم اے) نے شمالی علاقہ جات بالخصوص گلگت بلتستان میں سڑکوں کی بندش بارے سفری سرگرمیوں کے حوالے سے الرٹ جاری کر دیا۔
این ڈی ایم اے کے مطابق لینڈ سلائیڈنگ کے باعث تورغر روڈ 120، بٹگرام روڈ 140 بند، الرٹ شانگلہ روڈ 160اور لوئر کوہستان روڈ 180 پر گاڑیوں کا داخلہ بند ہے۔
الرٹ کے مطابق تتا پانی روڈ 320 تا 360، گلگت روڈ 400 تا 420 ٹریفک کیلئے بند ہنزہ روڈ 530 اور قراقرم ہائی وے ٹریفک کیلئے جزوی بند ہے۔
این ڈی ایم اے کے مطابق جسر روڈ اور مینگورہ سوات روڈ کے متعدد مقامات لینڈسلائیڈنگ کے باعث بند گانچھے میں سرمو پل، شیوک میں سالتورو پل متاثر ہونے سے سڑکیں بند ہیں۔
الرٹ میں سکردو میں باغیچہ کیلئے غیر محفوظ متبادل سڑک پر سفر سے اجتناب کا مشورہ دیا گیا ہے، جسر میں آستک پل متاثر ہونے کے باعث سڑک بند ہے، دیان سے غذر، تھلے بروق سے غذرکے راستے بھی بند ہیں۔
این ڈی ایم اے کے مطابق شندور، خلتی، دین اور اشکومن روڈز بھی شدید متاثر ہے، ہوپر سے نگر، گلمت سے گوجال اورگلگت سے جگلوٹ کی سڑکیں بھی متاثر ہیں۔
الرٹ کے مطابق استور میں چلم روڈبند، دیوسائی کے ذریعے متبادل راستہ موجود ہے، تھنگل نالہ سے شگر اور سکردو میں کرگل سے خرمنگ کے راستے بھی بند ہیں۔
